ترجمة معاني سورة المعارج
باللغة الأمهرية من كتاب الترجمة الأمهرية.
من تأليف:
محمد صادق ومحمد الثاني حبيب
.
ﰡ
ወዳቂ ከኾነው ቅጣት ጠያቂ ጠየቀ፡፡
በከሓዲዎች ላይ (ወዳቂ ከኾነው) ለእርሱ መላሽ የለውም፡፡
የ(ሰማያት) መሰላሎች ባለቤት ከኾነው አላህ (መላሽ የለውም)፡፡
መላእክቱና መንፈሱም ልኩ አምሳ ሺሕ ዓመት በኾነ ቀን ውስጥ ወደእርሱ ያርጋሉ፤ (ይወጣሉ)፡፡
መልካምንም ትዕግስት ታገሥ፡፡
እነርሱ (ያንን ቀን) ሩቅ አድርገው ያዩታል፡፡
ﯲﯳ
ﰆ
እኛም ቅርብ ኾኖ እናየዋለን፡፡
ሰማይ እንደ ዘይት አተላ በምትኾንበት ቀን፡፡
ጋራዎችም በተለያዩ ቀለማት እንደ ተነከረ ሱፍ (ነፋስ እንደሚያበረው) በሚኾኑበት ቀን፡፡
ዘመድም ዘመድን በማይጠይቅበት ቀን፤ (መላሽ የለውም)፡፡
(ዘመዶቻቸውን) ያዩዋቸዋል፡፡ አመጸኛው ከዚያ ቀን ስቃይ (ነፍሱን) በልጆቹ ሊበዥ ይመኛል፡፡
ﭜﭝ
ﰋ
በሚስቱም በወንድሙም፡፡
በዚያችም በምታስጠጋው ጎሳው፡፡
በምድርም ላይ ባለው ሁሉ (ሊበዥ) ከዚያም ሊያድነው (ይመኛል)፡፡
ይተው! እርሷ (እሳቲቱ) ለዟ ናት፡፡
ﭯﭰ
ﰏ
የራስን ቅል ቆዳ የምትሞሽልቅ ስትኾን፡፡
(ከእምነት) የዞረንና የሸሸን ሰው (ወደእርሷ) ትጠራለች፡፡
ﭷﭸ
ﰑ
ገንዘብን የሰበሰበንና (ዘካውን ሳይሰጥ) የቆጠረንም፤ (ትጠራለች)፡፡
ሰው ቅጠ ቢስ ኾኖ ተፈጠረ፡፡
ክፉ ነገር ባገኘው ጊዜ ብስጪተኛ፡፡
መልካምም ነገር (ድሎት) ባገኘ ጊዜ ከልካይ (ኾኖ ተፈጠረ)፡፡
ﮊﮋ
ﰕ
ሰጋጆቹ ብቻ ሲቀሩ፡፡
እነዚያ እነርሱ በስግደታቸው ላይ ዘውታሪዎች የኾኑት፡፡
እነዚያም በገንዘቦቻቸው ላይ የታወቀ መብት ያለባቸው የኾኑት፡፡
ﮙﮚ
ﰘ
ለለማኝ ከልመና ለሚከለከልም (መብት ያለባቸው የኾኑት)፡፡
እነዚያም በፍርዱ ቀን እውነት የሚሉት (የሚያረጋግጡት)፡፡
እነዚያም እነርሱ ከጌታቸው ቅጣት ፈሪዎች የኾኑት፡፡
የጌታቸው ቅጣት (መምጣቱ) የማያስተማምን ነውና፡፡
እነዚያም እነርሱ ብልቶቻቸውን ጠባቂዎች የኾኑት፡፡
በሚስቶቻቸው ወይም እጆቻቸው በያዙዋቸው (ባሪያዎች) ላይ ሲቀር፡፡ እነርሱ (በእነዚህ) የማይወቀሱ ናቸውና፡፡
ከዚያም ወዲያ የፈለገ ሰው እነዚያ እነሱ ድንበር አላፊዎች ናቸው፡፡
እነዚያም እነርሱ አደራዎቻቸውንና ቃል ኪዳናቸውን ጠባቂዎች የኾኑት፡፡
እነዚያም እነርሱ በምስክርነታቸው ትክክለኞች የኾኑት፡፡
እነዚያም እነርሱ በሶላቶቻቸው ላይ የሚጠባበቁት፡፡
እነዚህ (ከዚህ በላይ የተወሱት ሁሉ) በገነቶች ውስጥ የሚከበሩ ናቸው፡፡
ለእነዚያም ለካዱት ወደ አንተ በኩል አንገቶቻቸውን መዝዘው የሚያተኩሩት ምን አላቸው?
ከቀኝና ከግራ ክፍልፍል ጭፍሮች ሲኾኑ፡፡
ከእነርሱ እያንዳንዱ ሰው የጸጋይቱን ገነት መግባትን ይከጅላልን?
ይከልከል፤ እኛ ከሚያውቁት ነገር (ከፍቶት ጠብታ) ፈጠርናቸው፡፡
በምሥራቆችና በምዕራቦችም ጌታ እምላለሁ፡፡ እኛ በእርግጥ ቻዮች ነን፡፡
ከእነርሱ የተሻለን በመለወጥ ላይ፡፡ እኛም ተሸናፊዎች አይደለንም፡፡
ያንንም የሚስፈራሩበትን ቀናቸውን እስከሚገናኙ ድረስ ተዋቸው፡፡ ይዋኙ ይጫወቱም፡፡
ወደ ጣዖቶች እንደሚሽቀዳደሙ ኾነው ከመቃብሮቻቸው ፈጥነው የሚወጡበትን ቀን (እስከሚገናኙ ድረስ ተዋቸው)፡፡
ዓይኖቻቸው ያፈሩ ኾነው ውርደት ትሸፍናቸዋለች፡፡ ይህ ቀን ያ ይስፈራሩበት የነበሩት ነው፡፡
