ترجمة معاني سورة المزّمّل
باللغة الأورومية من كتاب الترجمة الأورومية.
من تأليف:
غالي ابابور اباغونا
.
ﰡ
ﭑﭒ
ﰀ
Yaa mammarataa!
Xiqqo malee halkan guutuu dhaabbadhu
Walakkaa isaa (dhaabbadhu) yookiin xiqqoo isa irraa hir’isi.
Yookiin isa irratti dabaliQur'aanas suutaan dubbisi.
Nuti jecha ulfaataa sirratti buusuuf jirra.
Dhugumatti, ka'umsi halkanii (arrabaafi qalbii) wal simachiisuutti akkaan jabaafi dubbisuufis qajeelaadha.
Guyyaa keessa (dhimma jireenyaatiif) sochii dheeraatu siif jira.
Maqaa Gooftaa keetiis faarsi; gara isaattis citiinsa citi.
(Inni) Gooftaa bahaafi dhihaatiIsa malee gabbaramaan dhugaa hin jiru; hirkoo isa taasifadhu.
Waan isaan jedhan irratti obsi; fageenya gaarii isaan irraa fagaadhu.
Anaafi sobsiiftota warra qananii walitti Na dhiisi; beellama xiqqoos isaaniif qabi
Dhugumatti, Nu bira sakaallaa ulfaataafi ibiddatu jira
Akkasumas nyaata nama hudhuufi adabbii laalessaa ta'etu (jira)
Guyyaa dachiifi gaarreen hurgufamaniifi gaarreen tuulaa cirracha yaa'uu ta'u keessa (sakkaalamu)
Nuti akkuma gara Fir'awn Ergamaa erginee turre gara keessanittis Ergamaa ragaa isin irratti ba'u erginee jirra.
Fir'awnnis Ergamicha faallessee (didee) qabaa cimaa isa qabne
Yoo kafartaniif, (adabbii) Guyyaa ijoollee arrii taasisuu akkamitti eeggattu?
Samiin isaan (guyyaa sanaan) dhodhootuudhaBaallamni Isaa raawwatamaa ta'e.
Dhugumatti, isheen kun gorsaNama fedhe gara Gooftaa isaatti karaa godhata
(Yaa Muhammad SAW!) Dhugumatti akka atiifi warri sii wajjin ta'an irraa gareen wahii, lama sadaffaa halkanii, walakkaa isaatiifi tokko sadaffaa isaatii gadis dhaabbattan Gooftaan kee ni beekaRabbiin halkaniifi guyyaa ni shallagaAkka isin isa safartanii waliin hin geenye beekee tawbaa keessan isin irraa qeebaleQur'aana irraas (salaata keessatti) waan isiniif laafe qara'aaIsin irraa dhukkubsataan akka jiraatu, warri biraa immoo tola Rabbii barbaacha dachii keessa akka deeman, warri biraas karaa Rabbii keessatti akka lolan beekeeti (isin irrraa salphise)Kanaafuu, isa (Qur'aana) irraa waan isiniif laafe qara'aatii salaata dhaabaa; zakaas kennaaLiqii bareedaas Rabbiif liqeessaaToltuu irraa waan lubbuu keessaniif dabarfattan Rabbiin biratti inni caalaafi kan mindaa guddaa qabu ta'eeti isa argituRabbiin araarama kadhaa; dhugumatti, Rabbiin araaramaa, rahmata godhaadha
