ترجمة معاني سورة القمر
باللغة الأورومية من كتاب الترجمة الأورومية.
من تأليف:
غالي ابابور اباغونا
.
ﰡ
Qiyaamaan kaloofte; jiinis lamatti addaan dhoohe.
Yeroo mallattoo wahii argan gara galaniiti “(kun) sihrii cimaadha” jedhu.
(Qur’aana) sobsiisanii fedha lubbuu isaanii hordofuWanti hunduu galma ga’aadha.
Dhugumatti, oduu irraa wanti isa keessa dhorgaan jiru isaanitti dhufeera.
Beekumsi ga’aan (isaanitti dhufeera)Akeekkachiistonni homaa isaan hin fayyadu.
Isaan irraa garagaliGuyyaa waamaan gara waan rifachiisaa ta’eetti (isaan) waamu;
(Guyyaa san) ijji isaanii sodaan guutamteeti, awwaala (isaanii) irraa ba’anii akka awwaannisa faca’ee fakkaatu
Gara waamaatti ori’uKaafiroonni “Kun guyyaa (rakkisaa) cimaadha.” jedhu.
Isaaniin dura ummanni Nuuh sobsiifteeraGabricha keenya (Nuuh) sobsiisanii, “inni maraataa dha, dhorgameeras.” jedhan
“Ani injifatamaa dhaa naaf tumsi” (jedhee) Gooftaa isaa kadhate.
Bishaan dhangala’aa ta’een hulaalee samii itti banne.
Burqituuwwan dachii burqisiifnee bishaan (samiifi dachii) murtii dhugumaan murtaa’e irratti walitti dhufan.
Doonii abbaa xawulaafi mismaaraa irratti isa baadhanne (feene)
Galata isa itti kafaramee taatee tika keenyaan deemti.
Dhugumatti, Nuti mallattoo akka taatuuf ishee dhiifneNamni ittiin gorfamu jiraa laata?
(Yeroo san) adabbiin kiyyaafi sodaachisni kiyyas akkam ture laata?
Dhugumatti, Qur’aanas hubachuudhaaf laaffifneerraNamni ittiin gorfamu jiraa?
(Ummanni) Aad (Huudiin) sobsiifteadabbiin kiyyaafi akeekkachiifni kiyyaas akkam ta’e ree?
Qilleensa qorraa guyyaa hamaa itti fufaa ta’e keessa isaanitti ergine.
Nama ni butti(Yeroo san) jirma teemiraa kan dachii irraa buqqa’e fakkaatu.
(Yeroo san) adabbiin kiyyaafi akeekkachiisni kiyyas akkam ture laata?
Dhugumatti, Qur’aana hubachuuf laaffifnee jirraNamni gorfamu jiraa?
(Ummanni) Samuudis akeekkachiisa (kiyya) sobsiisaniiru.
Ni jedhan: “nama nurraa ta’e tokko hordofnaa? Nuti oggas jallinaafi maraatuu keessa jirra.
Sila yaadachiifni kun nu hunda gidduu isa (Nabi Saalih) qofa irratti buufamee? Lakkisaa! Inni akkaan sobaa, boonaadha.
Sobaan boonaan eenyuun akka ta’e boru beekuuf jiru.
Dhugumatti, Nuti gaala dhaltuu isaaniin mokkoruuf ergoodhaKanaaf (Yaa Saalih!) Isaan eegi; obsis.
Bishaan (gaalattii fi) isaan gidduutti qoodamus isaanitti himiDhugaatiin (garee) hundaayyuu dhufamaadha.
Hiriyaa isaaniitti lallabaniiti, (waraana isaa) fudhatee waraane
(Yeroo san) adabbiin kiyyaafi akeekkachiisni kiyyaa akkam ture laata?
Dhugumatti, Nuti iyya tokkittii isaan irratti ergineErgasii akka caccabaa mooraa horiin irra deemee tahan.
Dhugumatti, Qur’aana hubachuuf laaffifneerraEgaa namni gorfamu jiraa?
Ummanni “Luux” dinniina sobsiisaniiru.
Dhugumatti, Nuti isaan irratti bubbee cirrachaa erginee jirraMaatii Luux malee, (yeroo) bariisaa isaan baraarsine.
Qananii Nu biraa ta’eef (baraarsine)Akka kanatti nama galata Nuuf galche mindeessina.
Dhugumatti, inni (Luux) qabaa keenya isaan akeekkachiisee jiraIsaan garuu dinniinicha mormaniiru.
Dhugumatti, keessummaa isaa irraa (badii itti hojjachuuf) isa gaafatanKanaaf ija isaanii jaamsinee “adaba kiyyaafi dinniina (kiyyas) dhandhamaa” (jenneen).
Dhugumatti, adabbiin cimaan bariidhaan isaanitti ganamfate.
Adaba kiyyaafi dinniina (kiyyas) dhandhamaa” (isaaniin jenne).
Dhugumatti, Qur’aana hubachuuf laaffifneerraEgaa namni gorfamu jiraa?
Dhugumatti, maatii Fir’awnitti akeekkachiifni dhufeera.
Mallattoolee keenya hunda sobsiisaniiti, qabaa Isa injifataa, danda’aa ta’ee isaan qabne.
(Yaa Qureeyshotaa!) Sila kaafiroota keessantu isaan kanneen irra caala moo kitaabota keessa (adabbii irraa) baraaramuutu isiniif jira?
Hinumaayyuu “Nuti tuuta injifattoota” jedhu.
Tuutni isaanii cabsameeti dugda gara galuuf jiru.
Dhugumatti, Qiyaamaan beellama isaaniitiQiyaamaan irra ulfaattuufi akkaan hadhooftuudha.
Dhugumatti, yakkamtoonni jallinaafi ibidda qabsiifamaa keessatti ta’u.
Guyyaa fuula isaanii irratti ibidda keessa harkifaman, “tuqiinsa Saqar dhandhamaa” (jedhamaan).
Nuti waan hunda hamma murtaa’een isa uumne.
Ajajni keenya akkuma liphsuu ijaa yeroo tokko qofa.
Dhugumatti, Nuti fakkaattota keessan balleessinee jirraNamni gorfamu jiraa?
Wanti isaan hojjatan hunduu galmeewwan keessa jira.
Wanti xiqqaafi guddaan hundi barreeffamaadha.
Dhugumatti, warri Rabbiin sodaatan jannataafi laggeen keessa jiraatu.
Teessoo dhugaa (jannata) keessa Mootii danda’aa bira jiraatu.
