ترجمة معاني سورة الغاشية
باللغة ماراناو من كتاب Maranao - Maranao translation.
ﰡ
Ino a miyakatalingoma rka so totholan ko khikolob?
Adn a manga paras, sa alongan oto, a khipakatitipadng,
ﮆﮇ
ﰂ
A gomagalbk, a khidodokawan,
A phamakasold ko apoy a tanto a mayaw,
A phphamakainomn ko bowalan a plikabo.
Daa pangn´ngkn iran a rowar ko sorokn,
Di ipkhawlit, go di phakarn sa kaor.
Adn a manga paras, sa alongan oto, a madadarandang,
ﮤﮥ
ﰈ
Sabap ko galbk iran na masosoat siran;
Sii ko sorga a maporo,
Daa khan´g iran on a ilang:
Katatagoan sa manga bowalan a pphamanoga;
Katatagoan sa manga kantir a manga poporo,
ﯙﯚ
ﰍ
Go manga baso a khiaadirn,
ﯜﯝ
ﰎ
Go manga olona a khiaantibn,
ﯟﯠ
ﰏ
Go manga paramadali a khikakayatn.
Ba iran di pnggdagdaa so manga onta o andamanaya i kiyaadna on?
Go so langit o andamanaya i kiniporoon on?
Go so manga palaw o andamanaya i kiyapamakatindga on?
Go so lopa o andamanaya i kiyakayata on?
Na pamakain´ngka ka, a ska na matag pphamakain´ngka.
Kna a ba siran rka pakiphan´gln,
Ogaid na sadn sa tomalikhod go mongkir,
Na isiksa on o Allah so siksa a mala.
Mataan! a sii Rkami so khandodan iran;
Oriyan iyan na mataan! a sii Rkami so itongan kiran.
