ترجمة معاني سورة الإنفطار
باللغة الأورومية من كتاب الترجمة الأورومية.
من تأليف:
غالي ابابور اباغونا
.
ﰡ
Yeroo samiin dhodhoote,
Yeroo urjiiwwan harca'an,
Yeroo galaanonni walitti makaman,
Yeroo qabroonni gara gaggalfamtee du’aa ishee keessa jiru ol baafte,
(Yeroo san) lubbuun hundi waan dabarfatte (hojjattee)fi dhiifte ni beekti
Yaa namootaa! Gooftaa kee kan Arjaa ta'etti (amanuu irraa) maaltu si gowwoomse?
Isa si uumee, ergasii si guutee, si sirreesse,
Boca fedhe keessatti walitti si qabe (sanarraa maaltu si gowwoomse)?
Dhorgamaa! Dhugumatti, guyyaa murtii ni sobsiiftu.
Dhugumatti, isin irra to’attootatu jiru.
ﮃﮄ
ﰊ
Kabajamoo, barreessitoota kan ta’an.
Waan isin dalagdan ni beeku.
Dhugumatti, warri toltuu hojjatan qananii keessa jiraatu
Warri hamtuu hojjatan immoo ibidda keessa jiraatu.
Guyyaa murtii ishee seenu.
Isaan ishee irraa hin fagaatanu.
Sila guyyaan murtii maal akka ta'e maaltu si beeksise?
Ergasii guyyaan murtii maal akka ta'e maaltu si beeksise?
(Inni) guyyaa lubbuun tokko lubbuu biraatiif homaa gochuu hin dandeenyeGuyyaa san ajajni (hundi) kan Rabbiiti.
