ترجمة معاني سورة الإنفطار
باللغة الكازاخية من كتاب الترجمة الكازاخية - جمعية خليفة ألطاي.
من تأليف:
جمعية خليفة الطاي الخيرية
.
ﰡ
Аспан жарылған кезде,
әрі аспан денелері төгілген кезде,
және теңіздер / тасып / , бір-біріне құйылған кезде,
және қабірлер аударылған кезде,
сонда әрбір жан ілгері не жіберілгенін, артына не қалдырылғанын біледі.
Ей, адам баласы! Әл-Кәрим / аса Жомарт / Раббың жайлы сені не алдады?
Ол / Аллаһ / сені жаратты, / дене мүшелерін үйлесімді етіп / теңестірді және / тұлабойыңды / түзулеп,
Өзі қалаған бейнеде сені құрастырды.
Жоқ, сөйтсе де сендер Есеп күнін өтірікке шығарасыңдар.
Ал, шын мәнінде, сендердің үстеріңнен күзетіп тұрушылар бар,
ﮃﮄ
ﰊ
құрметті жазып тұрушылар.
Олар не істеп жатқандарыңды біледі.
Шын мәнінде, ізгілер, сөзсіз игілікте болады,
ал бұзықтар, міндетті түрде Жахимда болады.
Олар оған Есеп күні кіреді
әрі олар одан жоқ болып та құтыла алмайды.
Ал, Есеп күнінің не екенін саған не білдірді?
Сосын тағы да, Есеп күнінің не екенін саған не білдірді?
Сол күні жан / өзге / жан үшін еш нәрсе істей алмайды. Әрі ол күні әмір беру - Аллаһқа ғана тән.
