ترجمة معاني سورة عبس
باللغة الطاجيكية من كتاب الترجمة الطاجيكية - عارفي.
من تأليف:
فريق متخصص مكلف من مركز رواد الترجمة بالشراكة مع موقع دار الإسلام
.
ﰡ
ﭑﭒ
ﰀ
[Паёмбар] чеҳра дар ҳам кашид ва рӯй баргардонд
Аз ин ки он нобино [Абдуллоҳ ибни Умми Мактум] наздаш омад
Ва [эй Паёмбар] ту чи медонӣ? Чи басо ӯ [аз гуноҳонаш] пок шавад
Ё панд гирад ва ин панд ба судаш бошад
Аммо он ки [аз имон] бениёзӣ меварзад
Пас, ту ба ӯ рӯ меоварӣ
Дар ҳоле ки агар ӯ худро [аз куфр] пок насозад, эроде бар ту нест
Аммо касе, ки шитобон ба суроғи ту меояд
ﭴﭵ
ﰈ
Ва [аз Аллоҳ таоло] метарсад
Пас, ту аз ӯ ғофил мешавӣ [ва ба дигарон мепардозӣ]
Ҳаргиз чунин нест; бе гумон, ин [оёт барои] тазаккур ва ёдоварӣ аст
Пас, ҳар ки бихоҳад, аз он панд гирад
Дар саҳифаҳои арҷманде [сабт] аст
ﮇﮈ
ﰍ
[Дар ҷойгоҳе] Баландпоя ва покиза [аз палидӣ]
ﮊﮋ
ﰎ
Дар дасти сафирон [-и ваҳй] аст
ﮍﮎ
ﰏ
[Ки] бузургвору накукоранд
Марг бар инсон [-и кофир, ки] чи қадар носипос аст!
[Аллоҳ таоло] Ӯро аз чи чиз офаридааст?
Ӯро аз нутфа [-и ночизе] офарид ва сипас мавзунаш сохт
Он гоҳ роҳро барояш осон намуд
Он гоҳ [пас аз поёни умр] ӯро миронд ва дар қабр [пинҳон] намуд
Сипас ҳар гоҳ бихоҳад, ӯро [зинда мекунад ва] бармеангезад
Ҳаргиз чунин нест [ки ӯ мепиндорад]. Ӯ ҳанӯз он чиро, ки [Аллоҳ таоло] фармон дода, ба ҷой наовардааст
Пас, инсон бояд ба ғизои хеш [ва офариниши он] бингарад
Мо оби фаровон [аз осмон] фуру рехтем
Сипас заминро аз ҳам шикофтем
Он гоҳ дар он дона [-ҳои фаровон] рӯёнидем
ﯦﯧ
ﰛ
Ва ангуру сабзӣ [хӯрокии бисёр]
ﯩﯪ
ﰜ
Ва зайтуну нахл
ﯬﯭ
ﰝ
Ва боғҳое [анбуҳ ва] пурдарахт
ﯯﯰ
ﰞ
Ва [анвои] мева ва алаф [падид овардем]
[Ҳамаи инҳо] Барои баҳрагирии шумо ва чаҳорпоёнатон аст
Пас, ҳангоме ки [он] садои боҳайбати [-и қиёмат] фаро расад
Рӯзе, ки инсон аз бародараш мегурезад
ﰀﰁ
ﰢ
Ва аз модараш ва аз падараш
ﰃﰄ
ﰣ
Ва аз занаш ва писаронаш [низ мегурезад]
Дар он рӯз ҳар касро корест, ки ӯро ба худ машғул медорад
Чеҳраҳое дар он рӯз кушода ва равшан аст
ﰑﰒ
ﰦ
[Ба хотири неъмату раҳмати Аллоҳ таоло] хандону шод аст
Ва чеҳраҳое дар он рӯз ғуборолуд аст
ﭑﭒ
ﰨ
Сиёҳӣ [ва торикӣ] онҳоро пӯшонидааст
Инон ҳамон кофирони бадкирдоранд
